15 Nobyembre 2012 Reference:Vince Casilihan
Naglulubid ng kasinungalingan ang mga
sundalo sa ilalim ng 2nd Infantry Battalion sa pagpaslang kay
Kgd. Ely Oguis upang lituhin ang mga mamamayan at pagtakpan ang kanilang
ginawang krimen.
Pareho ang istilo ng pagpapalabas ng pahayag ng mga militar sa
pagpugot sa ulo kay Kgd. Ely Oguis at kay Rodel Estrellado upang maghugas kamay
sa kanilang pagpatay sa mga miyembro sibilyan at progresibong grupo. Gumawa
sila ng moro-morong enkwentro upang palabasing nadamay sa labanan ang
biktima. Pero ang totoo sila-sila lang
naman ang nagpaputok.
Bahagi ito ng sistemtikong pamamaraan ng mga sundalo at mga ahente
ng gobyerno upang maghasik ng takot sa mga mamamyan. Target nila ang mga
progresibo at militanteng lider masa na
lumalahok sa pagkilos para sa kumprehensibong pagbabago sa lipuang
Pilipino. Si Kgd. Ely Oguis ay isang
human rights advocate at kasapi ng ng
human rights organization ng mga pesante – ang Albay People’s Organization (APO) na aktibong kumukontra sa
malaganap na militarisasyon sa kanayunan at patuloy na paglabag sa karaptang
pantao na kinasasangkutan ng mga
elemento ng tropang militar na nakahimpil sa Brgy. Cabaloaon at mga karatig
pook. Ang kanyang pagiging aktibong
human rights advocate ang dahilan ng karumaldumal na pagpatay. Hindi maitatatwa na ang pagpaslang kay Kgd.
Ely Oguis ay isa na namang kaso ng extra-judicial killing (EJK) sangkot ang state security forces.
Hindi na bago ang ganitong pamamaraan ng militar sa paghahasik ng
sindak sa kanayunan. Matatandaan na noong panahon ng Rehimeng Cory Aquino ganito
rin ang ginagawa ng mga sundalo. Binuo nila ang mga grupong para-militar
at Vigilante Group tulad ng Tadtad na nasangkot sa pamumugot ng ulo ng mga
sibilyan at mga miyembro ng progresibong grupo upang maghasik ng takot sa mga
mamamayan.
Mapanlinlang ang mga pahayag ng mga sundalo ng 2nd IB PA tungkol sa
pagkakapatay kay Kgd. Ely Oguis sa layuning lituhin ang publiko. Ayon mismo sa
isinagawang imbestigasyon ng Karapatan Bikol,
wala namang nangyaring putukan sa detatchment kung saan iniulat ng mga sundalo na may nangyaring labanan. Ang
narinig ng mga tagabarangay ay mga putok ng baril na hindi nga umabot ng isang
minuto mula sa kinakitaan ng pugot na
bangkay ni Kgd Ely Oguis.
Sa panayam sa mga taga Brgy Cabaloaon nakausap ng Karaptan-Bikol, , hindi alas 7:00
o 6:30 ng umaga nakita ang bangkay ni Kgd Ely Oguis gaya ng naunang pahayag ng mga sundalo. Nakita na
ito ng mga taga barangay na galing sa
lamay sa barangay Bat-Bat mga bandang ala 1:00 ng madaling araw,ng Nobyembre 12,
2012 kaya madaling napaabutan ang
pamilya.
Noon pa man si Kgd Ely Oguis ay ilang beses na pinatawag ng mga sundalo at pinararatangang
miyembro ng NPA. Noong ngang Agosto 21, 2011 humingi siya ng tulong sa
Karapatan-Bikol dahil dito. Sa katunayan
ay may sinumpaang salaysay pa itong pinirmahan.
Sa magkagayon baga’y ang tropang
militar ng 2nd IB PA ang may matingkad na motibo para gawin
ang napaka brutal na pagpatay kay Kagawad Ely nakadeploy sa Bgry. Cabaloaon,
Guinobatan, Albay. Ang paghahasik ng “puting
lagim” ay bahagi lamang ng implemtasyon
ng programang kontra-inushensya ng ng mga nagdaang rehimen at maging ng Oplan
Bayanihan(OPB) ng kasalukyang Rehimeng US-Aquino. Ang karahasang militar ay
pilit nilang itinatago sa pamamagitan ng Community Peace and Development Team (CPDT) na
wala namang pagkakaiba sa tigmak-dugong Special
operations teams (SOT) ng Oplan Bantal Laya I & II ng rehimeng US-Arroyo.
Ang kamatayan ni Kagawad Ely ay lalong magpapaalab sa damdamin at diwa ang mga
mamamayan na ipaglaban ang karapatang pantao at mabigyang katarungan ang brutal na pagpatay sa
kanya at sa iba pang biktima na hanggang ngayon ay walang hustisya.###
No comments:
Post a Comment